Wenger kubaki Arsenal mwaka mmoja

Kocha mkuu wa klabu ya Arsenal Arsene Wenger ametoa kauli kuhusu mstakabali wa maisha yake klabuni hapo na kudai kwamba atabaki kuinoa klabu hiyo kwa mda wa mwaka mmoja.

Licha ya shiknikizo kutoka kwa mashabiki wa Arsenal Wenger ambaye mkataba wake unaisha mwishoni mwa msimu huu anaonekana bado hajataka kung’atuka klabuni hapo baada ya kauli yake aliyoitoa alipokuwa akihojiwa na waandishi wa habari baada ya mechi na Westbrom ambapo Arsenal ilipokea kichapo cha 3-1.

Taarifa kutoka gazeti la Express zimefafanua kwa jinsi gani kauli ya kocha huyo itakavyoacha simanzi kwa mashabiki wa klabu hiyo ambao wameonesha kukelwa na vipigo vya mara kwa mara ambapo katika mechi tisa zilizopita Arsenal imepoteza mechi sita.

Mashabiki wa Arsenal wamekuwa wakirindima mara kwa mara huku wakionesha mabango yanayomtaka kocha huyo kuachia ngazi.Upinzani mkubwa kwa kocha huyo ulioneshwa ugenini wakati wa mechi kati ya Westbrom na Arsenal ambapo kulishuhudiwa ndege ikiruka juu ya uwanja ikiwa na bango la kumtaka kocha huyo kuondoka.

Licha ya taarifa za kubaki kwa Arsene Wenger taarifa kutoka Ujerumani zimedai kwamba Arsenal wameshafanya mawasialiano na kocha wa Dortmund Thomas Tuchel kuhusu makubaliano ya kuchukua mikoba ya Wenger msimu ujao