Dybala asaini mkataba wa miaka mitano Juve

Juventus imemfunga kitanzi mshambuliaji wake Paulo Dybala baada ya kumuongezea mkataba wa miaka mitano utakao mfanya abaki Juve hadi 2022.

Mshambuliaji huyo wa kimataifa wa Argentina aliifungia Juve mabao mawili katika ushindi wa 3-0 dhidi ya Barcelona katika mechi ya mkondo wa kwanza klabu bingwa barani Ulaya iliyochezwa siku ya jumanne wiki hii katika uwanja wa nyumbani wa Juve.

Kama ilivyodhibitishwa siku ya jana jumatano nyota huyo atakuwa analipwa kitita cha pauni millioni 135,000 kwa wiki sawa na euro millioni 7 kwa mwaka.