Vijana wa timu ya taifa chini ya umri wa miaka 17 Serengeti Boys watakuwa uwanjani leo majira ya sa 5:30 kwa saa za Afrika mashariki kupepetana na vijana kutoka Mali katika mechi ya kwanza ya mashindano ya AFCON kwa wachezaji wenye umri wa miaka 17 yaliyoanza jana nchini Gabon.
Serengeti Boys wapo kundi B pamoja na timu za mataifa ya Niger, Angola na Mali.
Kulingana na kiwango walichokionesha katika mechi za kirafiki Serengeti Boys wana nafasi kubwa ya kupenya katika kundi hili kulingana na timu alizopangwa nazo kuwa na uwezo wa kawaida.
