Newcastle yarejea EPL kwa kutwaa ubingwa wa Championship

Newcastle United wamefanikiwa kurejea katika ligi kuu ya England baada ya kumaliza nafasi ya kwanza katika Championship.

Newcastle wametawazwa mabingwa wa Championship baada ya mechi za mwisho za mashindano hayo kumalizika leo Newcastle wakiwachapa Barnsley 3-0 nakuwashusha Brighton&Hove Albion waliokuwa wakiongoza baada ya kubanwa na Aston Villa na kulazimishwa kutoka suluhu ya 1-1.

Newcastle wamemaliza ligi hiyo wakiwa wamekusanya pointi 94 katika michezo 46 huku nafasi ya pili ikichukuliwa na Brighton & Hove Albion ambao wamejikusanyia pointi 93 katika mechi 46.

Newcastle inayonolewa na kocha wa zamani wa Liverpool na Real Madrid Rafael Benitez wamepanda rasmi kushiriki EPL msimu ujao pamoja na Brighton & Hove Albion huku timu ya tatu ikisubiriwa baada ya play-off itakayozihusisha Fulham,Reading,Shefield Wednesday na Huddersfield Town kumalizika.